السلام عليكم ..

شخباركم؟

مأجورين

أممم طبعا من زماااان ما كتبت يومياتي .. أممم ما أحد مبتلي في هالدنيا كثرري! ..

كل يوم يمر علي أحسه مغامرة .. وكل يوم يمر يكون أصعب من قبله .. مشاااااكل ومرض وإمتحانات ضغووط نفسية فضيعة ..

آه .. بعد ما انتهى الفصل الثاني ، توقعت بكون هالفصل افضل ، بس طلع ألعن منه !

بذاك الفصل موادنا شوي تحتمل والمشاكل نوعا ما طفيفة وفي يومها تنتهي ..

أما هاي الفصل يالله! كل يووم فيه مشكلة كل يووم أصييح صياااااح كل هالسنين من هالصبر..

وصلت إلى مرحلة الضعف ..لأني خلاااااص مستحيل أتحمل هذي الحياة .. أياااااام كريهه جدا جدا ..

إذا ببدأها من أول يوم فأنتو أدرى بشنو قابلت هالفصل، بمواد ما توقعتها بمعلمات ما توقعتهم بفصل ما مجهزة نفسي لأستقباله ..

ياريت كان هالأمر بس الي خلاني اكره هالفصل ، مشاكل صفنه الكريهه السخيفة بكل معنى الكلمة .. وللأسف هذي أول مرة بذكر أسماء البنات الي يا ليت ياليت اذا شافوا هالبلوق ما يسلمون عليّ ولا حتى يعبروني بكلمة ..

" ليلى مهدي + زهرة هيات +زينب عبدالعزيز +زينب مسعود" هذي الفئة اكرهها وبصريح العبارة اكرهها .. وبصريح العبارة أكرهها وما أتمنى انه اكون جنبهم حتى بالخطأ والصدفة ..

هذول الاربع بنات أذوني وأذوني طول هالثلث فصول ، مشاكل شقد تسببوا لي فيها،واني سكت عنهم واجد .. بس ما دامهم قاموا يتكلمون قدام العالم كله .. فأني نفس الشيء .. أذكر اسمائهم ، وطبعا الي اخلاقها زفت والي افعالها زفت والي تصرفاتها زفت والي افعالها وياي كلها مفووشر ورياء .. انتو عارفينهم وعارفين اطباعهم ..فما يحتاج افصل فيها اكثر. .

حبذا لو هم يفهمون هذي الصورة عن نفسهم، يشوفون نفسهم وين واصلين، ألى اسفل السافلين ..

على كل الي سويتوه وياي ما راح أأذيكم ،لأنكم ما تستحقون أحد يعطيكم إهتمام ، بس حبيت أوضح لباقي البنات إنكم هالكلام الي تطلعونه ،أولا بنطبق عليكم لأنكم تسونه وتقولونه عن خبرة ، ثانيًا مثل ما إنتوا وصلتوا للعام فراح أبدأها وانهيها في العام ..

بأفعالكم هذي كنتوا تفكرون انه البنات بصدقون كلامكم وبيبتعدون عني ، بس هه ولخيبة حظكم بدأوا يبتعدون عنكم انتو ..

أمممم هذا الموضوع كان رئيسي بهذول الثلث فصول، كل ما بين يومين ينفتح وأصبر..

أما الشيء الأكبر فكان مرض أمي .. لأني ما لي غيرها بالدنيا ،ولو العالم كله تركني ما بتأثر بس غيابها عني يحطمني ..فعشان جذي نفسيتي كانت صصصفر والإمتحانات نوعا ما أراجع ليها ..يعني كانت دراستي سطحية ، والإمتحانات مستواها أصعب من انه الواحد ما يدرس بشكل اقوى من جذي ..

اني ما همتني الدراسة بكثر ما همتني صحة أمي .. ولما تجتمع المشاكل تجتمع مرة وحدة .. !

كنت منشغلة بأمر أمي لآخر حد ، وسخافة الرسائل الي انرسلت لبنات صفنا نسيتتها وكلما انساها يذكروني فيها ..

أني بشر حالي حال اي شخص بيتأثر وبيتضايق ويصيح  ، لكن كنت أكابر واضحك واقول لكم اني ما افكر بهالأمر ابدًا ،وأني ما راح عن بالي .. وكل يوم انصدم بأن عدد الرسائل يزيد ! لكن كنت أضحك وقلبي من داخل منكسر ..

ما أحد في الدنيا كان يقدر يحمل ثلاث هموم ، هم مرض امي وهم الدراسة وهم هالرسائل .. فأوكي كنت أثق بكلام صديقة عزيزة على قلبي بأن المشكلة الي ما لها حل ،تنحل بروحها ، وإنه كلما أسكت وأتغاضى عن المشاكل الأطراف الثانية تموت تقهر ..

بهذي الأيام علمتني الحياة أشياء واجد ،قبل كنت أضن انه خلاص صرت فاهمة الحياة ،وانه اني اكثر وحدة ماخذه تجارب منها وانه لي القدرة على مواجهه كل شي بس بهالأيام حسيت نفسي ما أحمل ولا ذرة قوة، مو لأني كنت أصيح واجد،لأنه  ما كان في إيدي أسوي ولاشيء!

اللي اعرفه أكثر الحين ،انها الحياة صعبه، الحياة مو اكل ونوم وحياة يومية،الحياة أكبر من جذي، الحياة مواجهه وفي المواجهه القوة ، والحياة دموع وفي الدموع إحساس .. والحياة خبث ومن هالخبث أشرار ..

أمممم فهذا الي شاغل قلبي ..

أما الإمتحانات..

فأول إمتحان كان عدنا طبق .. الإمتحان حليو وسهل، وكنا عادي واحنا نسويه حتى انه نقول لبعض ملاحظات على المسافات وجذي ، كانت تراقبنا معلمة نعيمة وكانت تلمح لنا لبعض الاشياء، وبعد وياها معلمة أمل المطاوعة ، شكلها ما كان طبيعي ،كنت أحسها انه متضايقة ، هي عادة اذا شافتني دائما تتحجج وياي ، في آخر الوقت كنا نسولف ومدري شنو، فجت لي وبمزح قالت لي سوي الإمتحان عدل لا اشتكي عليش عند معلمة معصومة .. فقعدنا نضحك ،بس بعد مادري كنت أحسها متغيرة ومتضايقة وحتى ملامح وجهها كانت غير ..

المهم في نفس اليوم كانت امي سافرت للحج .. وكنت كلحين اتصل لها واقول لها تهتم بنفسها وأنه الطواف والسعي تقعد على الويل جير .. ووصايا ووحاله لأنه هي كانت تعبانه وبعد الحج يبي له قوة .. فكنت خايفة عليها واجد ..

اممم بيوم ثاني كان عدنا إمتحان اكاونت ، كنت شوي مزكمة وجذي، فكملت الإمتحان وهو شوي صعب تقريبا نفس أسئلة الجامعة ، فكرة الإمتحان حلوة ،بس خسارة كان عندي بعض الاخطاء، اممم بعد الإمتحان رحت لمعلمة أبرار وسويت وياها الإمتحان كله صح ، واني اسويه وياها سويته صح بس بالورقة خطأ ..

معلمة أبرار روعه أحبها عدل ، ذاك الفصل وهالفصل كانت وياي  ودائما تنصحني وتوعيني بأشياء غافلة عنها ، وكانت تساعدني واجد عشان آخذ مواد ذاتية ويقبلونها لي التسجيل ، وهي للحين على استعدادها انه تخليهم يقبلون تسجيلي بهالمواد .. كنت اتمنى أجازيها بردجات عالية بس خسارة L حتى بأبسط شيء ممكن اقدمه لها ما قدرت ..

بعد ما طلعت من الإمتحان شفت البنات يصيحون وحاله ،بس اني اوكي كنت احسه سهل ،فتماشيت وياهم بأنه صعب وجذي .. ماليّ خلق يقولون ليّ ما تحسين فينا وراعي شعورنا ومدري شنو ، خوب أني اذا عندي إجابه خطأ يقولونها لي في الوجه ، اما اذا غيري اجابته خطأ فلازم التزم سكوتي واقول لهم اجابتكم صح .. لازم أراعي شعور غيري وما أحد يراعي شعوري ..

بعد هاي الإمتحان كان عدنا امتحان دين وكان سهل حده،بس شوي خطأت بسؤال ان شاء الله ما يحاسبون عليه واجد.. طبعا إجمالا الكل قال الامتحان سهل .. من العلمي والأدبي والتجاري ..والحمدلله على كل حال ..

وصلنا لأيام العيد وبفررح كبير بأني راح استقبل العيد وبنطلع وبفتك من جو الإمتحانات .. كنت فرحانة ، ويوم جه يوم العيد ما أدري شلون من أول ما قعدت حسيت روحي ما لي خلق العيد ! فقلت يلا يمكن من لأني قاعده من الصبح فهاي تأثير النومة.. المهم اول شي رحنا بيت خالتي وبعدين بيت بابا علي ، واول ما وصلناااا! إنكسر كعب انعالي .. أمبيييه انقهرت عدل عدل فقلت اوكي يمكن لأنه كنت ارجع عليه وحاله ، عقب الغذى  رحنا مجمع الدانة ولعبنا الجهالو اهناك ، وفي طلعتنا كنا موقفين السيارة في الباركات الي بره ، واحنا نمشي طاف علينا تعوسي نحوسي سعودي غبي وفتح الدريشة وفلت جقارته ،/ طارت هالنحاسه على دفتي واحترقت من تحت اني شفت شراره على يساري قلت انه اياها الجقارة وما دريت انه الجقارة على دفتي . . وانقهرت عدل عدل عدل ،، إي صحي واحنا نازلين للمجمع انقصت السلاسل الي في شنطتي فاضطريت انه اتركها في السيارة!!!!!!!!! يعني مأساة كان

في الليل رجعنا بيتنا ، واحنا طالعين من بيت بابا علي احسهم متضايقين وجذي ،قلت احتمال تعبانين ، وحتى منى اختي شفتها متضايقة وعلى اغلب الضن انها صايحة ، فطوفت هالموقف ،واحنا في السيارة كلحين منى اختي تتصل وما يردون عليها ،حتى بغت تدعم ابنا لو ما الله ستر وامينة مادري شسوت وصرنا عدل .. ويوم وصلنا البيت بسلامة عمرنا اختي منى راحت المجلس وما اسمعها الا تصيح وتصارخ  وتقول وش فيها امي ومدري ويش وعنايه وحال .. خفت لا شعوريا صحت .. وتركتهم ورحت فوق اصيح واني ما أدري شسالفه كل الي اعرفه انه امي مريضة وفي العناية .. ويوم ثاني كل واحد يتصل من صوب وكل ما اسالهم يقولون لي كلام غير واحد يقول لي انه في العنايه والثاني انه طلعوها واحد يقول لي شالواالاكسجين والثاني يقول لي لا .. ليما المهم بعد حاله من هالمعاناة الكبيرة كنت خلااااااص ما عندي اي احتمال اسمع اخبار ثانية ، كنت بس أصيح وادعي لأمي ، كنت محتاااجة احد أتكلم وياه أي أحد أي أحد ، وكل الي بالبيت كافيهم همهم ، وصديقاتي يا حيف مشغولين برسائل سخيفة ويجون يوصلون لي أخبارها ..

يعني كانت اياااام ما تنسى ، أيام فعلا حسيت نفسي وحيدة وحيدة !  / المهم بعدين رجعت امي يوم الجمعة توقعت انها بتقعد بالبيت لانهم قالوا لي انه صارت اوكي وجذي ، بس ما صار لها حتى ساعتين الا ورجعت المستيفى وترقدت ، واني صدق صدق حسيت نفسي مت خلاص ! ! والأزيد من جذي يوم جت امي اشوف في جسمها بقع غريبة بنفسجي واخضر ودم وحاله وجهها متغير وجسمها كامل ، ! قااااااااالت لي ويااااريتها ماااا قالت ، قالت لي انه سوو لها عمليتين ، عمليتين يا ناس واني ما أدري عن امي .. انذبحت ازيد واني اسمع هالخبر واني اشوف محلها خالي وهي في المستشفى ..

يوم الاحد رحت المدرسة وعدنا إمتحان او بي ، ما اجذب واقول لكم راجعت، ما رراجعت الا هرار اتصفح الأواراق واني مادري شفيها ،ورحت يوم ثاني على اساس براجع ،وكلشش أحس روحي ميتة ،اتصلتلي منى اختي تقول لي انه امي زينة ،فما ادري ليش قعدت اصيح كنت احس انها تقص علي ،لانه من تقول لي زينة معناها انها  عكس جذي ، يالله والله يعني مأساااااااااة وما كان لي خلق أبدًا أبدًا والبنات يفكروني متضايقة على موضوع الرسائل ، اني مجنونة اخلي بالي ويه هالسخيفين .. قدمت الإمتحان وأشوى يعني كان سهل، بس اشياء واجد ما اعرفها ،كتبت الي اتذكره من شرح معلمة لمياء وسيدة طلعت ،حتى ما كان لي خلق اتصفح الورقة أكثر ، ولا وجنبي هالسخفين بعد!!!! كانت تراقبنه معلمة أميرة ولاحظت عليّ انه متضايقة او مريضة ،والله واني بس اقول كلمة امي كنت اصيح اتذكر حالهااا واصيح ..

طلعت من الإمتحان على طول رجعت البيت ،كنت بروح لامي بس منى قالت في العصر بنروح كلنا وانه حالتها تحسنت واجد واجد .. يووم رحت اهنااااااك والله قلبي حسيته ما ادري ،خاااااطري اصيييييييييييييييييح واصاااااااااااااااارخ ، والله ما صدقت عمري واني أكلم أمي . .

بعدين بدأت تتحسن حالة أمي ،وعقب رخصوها يوم الأربعاء أو الخميس .. أرتاح بالي واجد واجد واجد واني اشوفها بره المستشفى ,,

المهم عقب صار عدنا امتحان السفر اني درست وكملت وشرحت للبنات ،بس الإمتحان كان صعب ، وخربطت فيه ، قصدي ألفت فيه ..لانه الاسئلة أول مرة اشوفها وادري انها بالكتاب .. راقبتنه معلمة بدرية .. قبل الا متحان ما ينتهي قلت لها بطلع،وعطيتها ورقتي الا تسوي لي ما توقعتش بتطلعين الحين وكلش كنت معصبة اني فقلت لها لانه اسئلة الإمتحان ابداع فسويتها

عقب إمتحان السفر كان عدنا عربي ، الامتححان كان سهل واجد،بس من كثر ماهو سهل خربطت في سؤالين ، الأول كان العلاقة بين شطرين واني اقرا السؤال جاوبته في بالي ،كنت اقول بين الشطرين مقابلة وبين البيت الاخير والاول نتيجة لسبب ، وكتبت الاجابه الخطأ واتباعدت عن السؤال ، والخطأ الثاني كان في الاعراب ،المفروض بدل واني خليت مضاف إليه .. يعني بكون ماينز 3 ، والتعبير ان شاء الله ما ياخذون عليه واجد ..

بعد هالإمتحان اممم عدنا عدنا سكر ، الامتحان فن بس بعد خربطت فيه ..

وعقب هالإمتحان كان عدنا انج هههههههههههه ، الامتحان صعب حده حده ، قبل لا ندخل الإمتحان رسلنا مسج لمعلمتنا نقول لها ادعي لنا ، واتصلنا ليها فطلع انه مبندة تلفونها ، انزين ،بعد الإمتحان كنت منقهرة وجذي فاتصلت لحسين اخوي عساس يجي لي بس طلع انه كمل الامتحان ورجع الشغل ، المهم ، احنا طول ايام الامتحانات نقعد في كبينة اسمها قلوب، هالكبينة مقفولة فما يصير ندخلها ،وامون اختي اللعام كانوا يقعدون اهناك ومحد يدري ابهم، المهم احنا بعد كنا نقعد اهناك ونشقح من الدريشة ، ففي امتحان الانج كملنا ورحنا اهناك، انزين فكنا قاعدين اني وفطوم حسن وودداعية ،الا شفنا فوزية طايفة وهي تصيح فشي طبيعي انه احنا نروح لها ونسكتها ، لانه تصيح على الامتحان وهو ما يستاهل دموعها ، المهم واحنا قاعدين نشقح من الدريشة شافتنا المديرة ونادتنا ، فعدنا نضحك وجذي وقلنا لها انه احنا نقعد اهناك وندرس وفي هذي الاثناء رن تلفوووني ، ياعلييييييي انقلب وجهي ، والله كنت في بالي اقول من هاليمتصل وورطني ، فقبل لا اعطي المديرة تلفوني شفت الي متصل معلمة عفاف ، هههه وتذكرت انه كانت واعدتنه تتطمن عليها بعد الامتحان ، فاخذت المديرة تلفوني ، وبييه ياعليييي اول مرة امشي بدون تلفوني ، تضايقت عدل بس ما بينت هالشيء فكنت اضحك ، يوم رجعت البيت ، خوووب ما وصلتالبيت الا اهم الادارة قايلين لبيتنا ، ويوم رحت البيت استقبلوني بالصراخ ، وامي تسوي لي خواتش واخوانش كلهم كملوا المدرسة ولا يوم احد اتصل يشتكي عليهم  اما اني فعلى طول مشاكل ومدري شنوو // والله حز في نفسي هالكلااااااااااام ، بس والله مو بيدي ،فكنت اصيح وبعد اضحك واني ابرر موقفي ..

الي كسرني انه امي تسوي لي مافيه تلفون ثاني ولا احد يروح ياخذ تلفونش .. اففففف فهني اني نوي وي اعيش بدون تلفوني ..

هههههه امون اختي رافت بحالي وعطتني تلفونها طول اليوم ، المهم عقب هالامتحان عدنه قصد ،الامتحان كان صعب بس يالله سويت فيه افضل مما توقعته ، وطلعت من الامتحان واني متضايقة ، على تلفوووني ، قعدنا صوب الكفتيريا انزين والبنات يسولفون واني قاعده اشقق الكتاب، يفكروني على الإمتحان واني على التلفون .. اممم أنزين جتني الصيحة واني اقول ليهم انه امي سوت لي جذي ، بس والله ما في احد بالدنيا يتجنب المشاكل كثري، والله المشااااكل تجي لعند رجولي .. كل وحدة اكبر من الثانية،خليت الناس كلها وما تصيدني المواقف الا اني.. والله من قلب كنت أصيح ،هالثلث ايام حسييييييتهم بيييه كأنهم دهر ، وفي امتحان ا لريض ما راجعت عدل لانه كنت احاتي روحتي للمديرة وشلون بقول لها امبي تلفوني وشلون بكون موقفي اذا رفضت تعطيني اياه الا الفصل الثاني ،المهم راجعت كامل الا الوحدة الاخيرة لانه ما حضرت ولا درس ولا درس ، فكنت ما افهم شيء جد يعني ما افهم ولا حرف،جت فوزية بتشرح لي بس ما كان لي خلق ولا استعداد افهم شي ، فمسكينة راحت عني وهي الي جايه تساعدني .. دخلت الامتحان وسويته كامل ما عدا اسئلة الوحدة الاخيرة كان فيه سؤالين واثنينهم خطأ .. فأوكي قلت ما علي من الامتحان ،ويوم طلعت من الامتحان الكل الحمدلله مسوي زين ، بس اني صراحة ما سويت عدل،وقلتلهم اي سويت زين ..وكنت خايفة عدل على تلفوني .. ههههه ما كان عليي من الامتحان كثر تلفوني ..

المهم جت اختي منى للمديرة جدي الساعه9 وصراخ وحالة وقالت لها المديرة انه المشرفة الحين مو موجودة وانه بتسلمها التلفون الفصل الثاني نهايته ..

انزين فيوم كملت الامتحان بعد جت اختي منى وهالمرة راحت للمشرفة ، وكانوا ثلاثهم اهناك ووياهم الدكتورة وبهدلتهم تبهدل ، طلعت الاخضر واليابس ، وقالت لهم اذا ما رجعتونه بتكتب في الجرايد عن سوالف المدرسة والتلفونات والحالة وبنات آل خليفة ومدري شنو هرار واجد حتى اني خفت من منى !!

بعدين خلوني اكتب تعهد انه ما اجي التلفون وانه ما ادخل صفوف مقفلة عبر النوافذ خخخخخ .. وعطونه التلفون وطلعت ..

اممممممم واستانست عدل عدل عدل والحين اجازة ومافي مدرسة وافتكينا من هالمواد وافتكيت من مقابل وجوه هالبنات الي اكرههم ،وافتكيت من قعدة الصبح ..

خخخخ باقي هم النتائج والله يستر منهم ..<== مقررة ما أخذ النتيجة ، بس نفس الوقت خاطري اعرف درجاتي .. يله الله كريم ..

الحمدلله انه انتهى هالفصل واني للحين عايشة ,,

وشكرا لكل الي وقفوا وياي ..

مشكورين ورحم الله والديكم والله يوفقكم..

شكرا لفاطمة حسن وفاطمة الوداعي وفوزية وداد ورحاب ورباب حماد ورباب الزنجي وسماح وجنات وليلى هلال وفاطمة علي وفاطمة عبدالله وهاجر وزينب حبيب وفاطمة زكريا وفاطمة درويش ومعلمة معصومة ومعلمة أبرار ومعلمة أميرة ومعلمة رزان ومعلمة فوزية وشكر لصديقتي الغالية زينب علي..

شكرا لكل الي كانوا معاي وما تركووني ..

الله يوفقكم

أختكم /

زينب J

السلام عليكم ..

عيدكم مبارك .. وأيامكم سعيدة إن شاء الله ..

بصراحة هذا العيد واجد واجد واجد واجد حليو .. أشياء واجد حليوة صارت وأولها اتفاق العلماء الشيعة لأول مرة في أن العيد يوم واحد ، وخصوصا قرية جدحفص .. وأكيد وجود عمي بينا كان حليوو ،لانه صار لنا كم سنة وهو دايم يكون بالعمرة او في الحج وما يكون معانا بالعيد ..

وهناك بعض الأشياء المهمة ، والي اعتبرها البعض جريئة مني .. بصراحة كنت صدق مستانسة اليوووم ..

امممم ليلة العيد تقريبا ما نمتها كلها ، لانه طول الوقت كنت أسولف ويه أمون اختي ونتذكر الأعياد السابقه ،ونرتب طلعات العيد وجدي يعني .. وتالي ننام ..

فاليوم قعدت تقريبا الساعه 9 وسبحت وأكيد اكيد لبست ثياب العيد ، وتعدلت وهرار يعني ، ونزلت أعايد أمي وإخواني ، كنت فرحانة من اول ما قعدت ، لاني صبحت بوجه حموودي وحسووني ، كانوا حليوين عدل واهم جايين يعايدوني ، .. وكانت الأجواء في بيتنا حليوة ، فحليو حليو واجد ، وتالي بعد رحت بيت أخوي أحم احم صار عدهم بيت ، فقدعت اهناك ، وتالي قدعت في بيت اختي ، وتالي بيتنا ، كنت مستانسة واجد كلنا متجمعين ، كان خاطري انه عبود وهنادي وعمران يكونون معانا ، وبس ..،

 وزرررررررررنا الأهل اللي ما نشوفهم الا نادرا . . وتالي رحنا بيت خالتي زينب ،وقعدنه اياها للأذان وبعدين رحنا بيت بابا عود .. واهناك خالاتي وبناتهم وجهالهم وأولادهم .. طبعا أحليوة اللمة وكل شيء ..

تغذينا والحمدلله وبعدين قعدنه نسولف ،اممم تقريبا الساعه 4 رحنا مجمع البحرين، أني وأمون ودعاء وحوراء وزهوور وزهراء ،وطبعا الي تسوق السيارة حوراء .. فكان الوقت ممتع انه احنا طالعين بروحنا ،وفن يعني ..

رحنا مجمع البحرين قدعنه ندخل من محل الى محل ،، خخخخخ مسوين نفسنه عاد في قيود الزمن ، المهم ، تالي كل وحدة أخذت لها أكل وأيسكريم وهرار ، ورجعنا البيت دايركت ..

في المغرب صلينا ، وجه حسين أخوي في باص الشغل ، وقال بطلعنا ، في البداية تكنسلت الطلعة لأنه بنت خالتي مريضة ، وكنا نبي نروح كلنا جميع ، واحنا بعد شوي تعبانين ، فبعدين صارت زهوور أحسن ، ورحنا  الكورنيش ، الجهال لعبوا واحنا قعدنه جنب البحر ، أني وامون وزهراء ودعاء ،وقعدنه نسولف عن ظهور الإمام المهدي عجل الله فرجه ـ وتالي انفتحت سالفة الدراسة والمدرسة والمعلمات ،والجامعة ، يعني .. كل وحدة كان لها رأيها .. مع انه كل وحدة كانت تقول شيء مختلف، لكن بالنهاية كل الكلام الي قلناه مفيد ، وكل وحدة استفادت من كلام الثانية .. L

يمكن كنت أني أصغر حلم او طموح كان لي ، فأني على طول قلت لهم أتمنى أدرس أكاونتج ،وتالي أكون مدرسة مواد تجارية ، سواء أكاونت أو أي مادة تجارية ، فكانوا يسخرون من هالشيء لكون المعلمات الحين تارسين الديرة ومستحيل أتوظف .. بس اني مقتنعة بنفسي وبالشيء الي أبي أوصل له ، ولكل مجتهد نصيب ..

رجعنا بيت بابا عود ، وتالي رحنا احنا البيت ، احسين اخوي كان يبي يعشينا بس ما كنا مشتهين شيء مع انه اني وامون ما اكلنا الا مكسرات وأيسكريم ونفيش طوول اليوم .. ولما رجعنا البيت علي اخوي بعد يبي ياخذ لينا ميلز من جسميز ، وقلنا له خل يخليه لبكرة ..

أحين جيت بنام / بس قلت خل أكتب الاشياء الي سويتها اليوم ، لأنه هذا اليوم احلى يوم بحياتي . . وأحلى عيد مر علي ..

أممم بكرة يمكن منى اختي تطلعنا وتسبششلنا بطلعه حلوة مثل ذاك العيد ..

في النهاية عيدكم مبارك .. والله يجعل أيامكم كلها أعياد

أكيد في أشياء ثانية صارت حليوة ، بس خلها لمرة ثانية أكتبها .. بعد فترة :> ..